🔥 महावितरणच्या अचानक बदललेल्या रिडिंग तारखेमुळे नागरिक अस्वस्थ; मनसेचा तीव्र निषेध, ‘तत्काळ सुधारणा नसल्यास आंदोलन..

जळगाव | विशेष प्रतिनिधी, ग्लोबल न्यूज़ 24 LIVE
महावितरण विभागाने कोणतीही पूर्वसूचना न देता दर महिन्याच्या २५ तारखेला घेतले जाणारे मीटर रिडिंग अचानक २२ तारखेला घेण्यास सुरुवात केली आहे. या अनपेक्षित बदलामुळे जळगाव शहरातील हजारो ग्राहकांचे बिल वाढून येत असून ऑनलाइन रीडिंग सबमिट करणाऱ्या जवळपास ५०% ग्राहकांमध्ये प्रचंड गोंधळ निर्माण झाला आहे.
ग्राहक म्हणत आहेत — “बिल अचानक उडाले, आम्हाला सांगितलेच नाही…!”

या गंभीर प्रकरणाची दखल घेत महाराष्ट्र नवनिर्माण सेना, जळगाव शहर यांनी आज महावितरणच्या कार्यकारी अभियंता कार्यालयावर धडक देत तत्काळ निवेदन सादर केले.

मनसेची स्पष्ट मागणी:

चुकीच्या रिडिंगमुळे आकारलेले सर्व दंड तात्काळ माफ करावेत

रिडिंगच्या तारखेत बदल करण्यापूर्वी किमान १५ दिवसांची अधिकृत पूर्वसूचना द्यावी

ग्राहकांना SMS, वेबसाइट व मराठी भाषेत स्पष्ट माहिती उपलब्ध करून द्यावी

गोंधळलेल्या तक्रारींसाठी स्वतंत्र तक्रार निवारण अधिकारी तातडीने नेमावा

महावितरणने यावर प्राथमिक सहमती दर्शवली असली तरी, मनसेने कडक शब्दांत इशारा दिला आहे—

“ग्राहकांच्या प्रश्नांवर ठोस पाऊल न घेतल्यास मनसे रस्त्यावर उतरेल!”

ग्राहकांच्या तोंडची राख… आता मनसेची थेट दखल

ग्राहकांना विलंब शुल्क, चुकीचे बिल, डेटा गोंधळ, ऑनलाइन रीडिंग न स्वीकारणे यामुळे मोठा आर्थिक त्रास सहन करावा लागत आहे.
मनसेने या नुकसानाची जबाबदारी महावितरणवर टाकत तत्काळ निर्णयाची मागणी केली आहे.

या निवेदन प्रसंगी जिल्हाध्यक्ष ॲड. जमील देशपांडे, महानगराध्यक्ष किरण तळले, उपमहानगराध्यक्ष श्रीकृष्ण मेंगडे, ललित शर्मा, राजेंद्र निकम, प्रकाश जोशी, शेतकरी सेनेचे जिल्हाध्यक्ष अविनाश पाटील, वाहतूक सेनेचे रज्जाक सय्यद, विद्यार्थी सेनेचे योगेश पाटील, विकास पाथरे, ॲड. सागर शिंपी, महिला सेनेच्या अनिता कापुरे, लक्ष्मी भील यांसह मोठ्या संख्येने पदाधिकारी उपस्थित होते.

उपमहानगराध्यक्ष श्रीकृष्ण मेंगडे यांनी स्पष्ट शब्दांत सांगितले —
“जनतेच्या खिशावर अन्याय करणारी कोणतीही बाब मनसे सहन करणार नाही. गरज पडली तर तीव्र आंदोलन उभारले जाईल.