पोलिस निरीक्षक बबन आव्हाड यांचं कार्यक्षेत्र चर्चेत, परिसरातील कारवाईचा प्रश्न अनुत्तरितच…
ग्लोबल न्यूज 24 LIVE | जळगाव | 18 जुलै 2025
जळगाव – ज्या अधिकाऱ्यांविषयी थेट विधानसभेत प्रश्न उपस्थित झाले, त्याच एमआयडीसी पोलिस ठाण्याच्या कार्यक्षेत्रात आजही नागरिकांच्या म्हणण्यानुसार काही ठिकाणी संशयितपणे अवैध व्यवहार, सट्टा-पट्टा व इतर गुप्तपणे सुरू असलेल्या धंद्यांची चर्चा पुन्हा ऐकायला मिळत आहे.
विशेष बाब म्हणजे, हेच ठिकाण – जिथे काही महिनेपूर्वी पोलिस निरीक्षक बबन आव्हाड आणि बडतर्फ करण्यात आलेले सहायक पोलिस निरीक्षक दत्ता पोटे यांनी एकत्र काम केलं होतं, आणि ज्यावरून राज्याच्या विधिमंडळात तीव्र चर्चा झाली होती – तिथेच आजही परिस्थितीत फारसा फरक न पडल्याचा आरोप अनेक स्थानिकांकडून केला जातो.
विधानसभेत चर्चा, पण प्रत्यक्षात काय?
17 जुलै रोजी विधानसभेत, मुक्ताईनगरचे आमदार चंद्रकांत पाटील, आमदार किशोर पाटील आणि आमदार अनिल पाटील यांनी एमआयडीसी परिसरातील अवैध धंद्यांवरून पोलिस यंत्रणेवर थेट सवाल उपस्थित केला होता.
त्यामध्ये पोलिस निरीक्षक बबन आव्हाड यांच्यावर चौकशीचे आदेश दिले गेले, तर उपनिरीक्षक दत्ता पोटे यांना बडतर्फ करण्यात आले.
परंतु, ग्लोबल न्यूज 24 LIVEच्या प्रत्यक्ष पाहणी आणि स्थानिक रहिवाशांच्या प्रतिक्रिया पाहता असे लक्षात येते की पोलिसी कारवाई आणि बदलांची प्रत्यक्ष परिणामकारकता अद्याप पुरेशी जाणवत नाही.
नागरिकांच्या म्हणण्यानुसार एमआयडीसी परिसरात आजही पाहायला मिळणाऱ्या संशयास्पद हालचाली:झोपडपट्ट्या आणि बंद गाळ्यांमध्ये सट्टा-पट्टा, मटका व्यवहार,गुटखा व सुगंधी तंबाखूची उघड विक्री काही ठिकाणी चालू असल्याचे लोक सांगतातअवैध गॅस रिफिलिंग व्यवसाय ज्यावर पूर्वी मोठा अपघातही झाला होता,जुगार व ड्रग्ज संबंधित हालचालींचा संशय???
बबन आव्हाडांबद्दल पुन्हा प्रश्न का उपस्थित होतोय?सतत ‘व्हीआयपी’ पोस्टिंग मिळवणं – एमआयडीसी, एलसीबी, गुन्हे शाखा आदी प्रमुख ठिकाणी नेमणूक,विधानसभा चर्चेपूर्वी व नंतरही पदावर राहणं, आणि त्या कार्यक्षेत्रात काही बदल न होणं.
लोकप्रतिनिधींकडून त्यांच्या कार्यपद्धतीवर थेट टीका.
“फक्त नाव बदलून काही होत नाही” – नागरिकांची भावना
“आम्ही वेळोवेळी तक्रारी केल्या, स्थानिक पत्रकारांनीही आवाज उठवला, विधानसभेतही चर्चा झाली. पण प्रत्यक्षात आमच्या परिसरात स्थिती फारशी बदललेली नाही. पोलिस ठाण्यात पोहचलेला आवाज तातडीनं कृतीत दिसायला हवा होता.” – असे काही स्थानिक नागरिकांनी सांगितले.
ग्लोबल न्यूज 24 LIVE चं स्पष्ट आणि जबाबदार मत:एमआयडीसी परिसरातील सर्व तक्रारींची सखोल चौकशी व्हावी. जे अधिकारी यापूर्वी कार्यरत होते आणि ज्या भागात अवैध धंद्यांची वारंवार चर्चा होते, त्या संदर्भात गृहविभागाने स्वखात चौकशी करावी.
हे केवळ पोलिस खात्याचं नाही तर नागरिकांच्या विश्वासाचं आणि कायदा-सुव्यवस्थेच्या ध्येयाचंही प्रश्न आहे.
ही बातमी “ग्लोबल न्यूज 24 LIVE” नेटवर्कतर्फे, पत्रकारितेच्या सामाजिक भान आणि कायदेशीर जबाबदारी जपत प्रसिद्ध करण्यात आली आहे. कोणत्याही वैयक्तिक वा संस्थात्मक बदनामीचा उद्देश नाही.
Add a Comment